O Rancho

O Rancho é o santuario da música americana en Radio Galega Música e AGalega Audio. Un territorio sonoro en que Eduardo Herrero lles fai sitio cada semana aos grandes nomes do country, o bluegrass, o folk ou o rock de raíces. Solistas e bandas que lle puxeron banda sonora ao fogar dos valentes, á terra dos homes libres. No programa soarán tanto artistas consagrados como talentos emerxentes, e haberá sempre uns minutos para os galegos que, desde a outra beira do Atlántico, devecen por eses estilos musicais onde as cousas sempre son o que parecen, sen trampas, sen artificios.