Galicia é unha das comunidades autónomas cun índice de suicidios máis elevado. Nos últimos anos medrou o número de tentativas de quitarse a vida por parte de rapazas novas. O coordinador de Saúde Mental do SERGAS, Alexandre García Caballero, explícanos como se actualiza o "mapa de puntos negros do suicidio" en Galicia e fálanos da actividade das unidades de prevención do suicidio. García Caballero recoñece que a rede de atención á saúde mental precisa de moito máis persoal para poder realiza-lo seu labor con eficacia.