Información
Debate Electoral Europeas 9 de xuño 27-05-2024
Moderado polo xefe de Planificación Informativa da Radio Galega, Alberto Varela, contou coa presenza de Nicolás González (PSOE); Francisco Millán Mon (PP); Ana Miranda (Agora Repúblicas ERC, Bildu, BNG, AM); Juan Díaz Villoslada (Sumar) e Javier Nart (Ciudadanos). Estivo dividido en catro bloques temáticos: transición industrial, enerxética e ecolóxica, así como impulso da soberanía económica e comercial da Unión Europea; o sector primario de Galicia desde unha perspectiva europea: pesca, gandería e agricultura; o futuro do financiamento europeo en Galicia, balance da execución dos Fondos Next Generation e o reto que pode supoñer a ampliación da UE a novos países; e por último os grandes retos do continente: a defensa común, o avance tecnolóxico e a intelixencia artificial.