Información
A tarde 29-09-2023
Fúmase máis ou menos agora? Respondemos esta pregunta na Tarde con Carlos Rábade, coordenador da Área de Tabaquismo de Separ (Sociedade Española de Neumoloxía e Cirurxía Torácica) e director da Unidade de Tabaquismo no CHUS (Complexo Hospitalario Universitario de Santiago). E tiramos máis comida da que deberiamos? Falamos tamén de desperdicio alimentario neste programa! Cos nosos colaboradores Xosé Antonio López Silva (latinista) e Agustín Vázquez (experto en viaxes) charlamos sobre o San Froilán. Ademais, falamos coa investigadora galega afincada nos EE.UU., Sonia Salgado Villapol, que vén de recibir un financiamento de 1,2 millóns de dólares para a investigación da enfermidade de Alzhéimer. Para pechar o programa falamos de distintas iniciativas para recoller lixo dos nosos mares e ríos. Sorprendémonos coa cantidade de cousas que se botan aos fondos mariños ou aos cauces dos río. Todo de man de Nacho Dean, naturalista e explorador.
Presentado por Antón Rebollido.