Dúas voces atlánticas e mil cancións por descubrir. No noso caderno de bitácora esta semana atopamos as voces de Grande amore, Devalo, Fillas de Cassandra, Berlai, Carlangas ou Mâi no que á música cantada en galego se refire; e as de Alfredo González, Jorge Drexler, Fernando Cabrera, Fetén Fetén, Luiz Caracol, Chinoy ou Maro dende fora das nosas fronteiras. Cantamos ao vivo "Astronauta lírico" e "Branco e negro". Mergulládevos con nós, deixádevos abanear polas ondas do acuario dos Tres peixes voando, na Radio Galega.