Cara B

Polo xeral, todo o mundo coñece as grandes lendas, os grandes relatos, as grandes historias que a miúdo se contan sobre os músicos máis afamados, sobre os cantantes máis célebres, sobre os discos máis vendidos. Pero nas páxinas da historia da música tamén hai letra pequena. Son momentos únicos, moitas veces agochados, que adoitan pasar desapercibidos para o gran público. Na Cara B están as datas secretas, os sucesos chave, os episodios incribles que serven para unir todo o demais, son todas esas anécdotas que que tiveron e teñen tanto peso na historia da música.