A profesora Isabel Neira debulla as cifras da pobreza infantil en Galicia coa axuda da voceira de Unicef, Irene Marín. O 25 por cento dos/as menores na nosa comunidade están en risco de pobreza ou exclusión social. Unha das principais causas é a crecente dificultade para acceder a unha vivenda, o que provoca que moitos nenos/as vivan en condicións precarias que repercuten na súa saúde e na súa educación. Neste espazo apúntanse algunhas medidas que Unicef lle recomenda ás institucións públicas para mellora-la situación destes rapaces.